من سيربح المليون : وخاصة من الاردن

الســـــلام عليكم
أعزائي المشاهدين.. نرحب بكم جميعا في برنامجكم من سيربح المليون .


ونرحب بكم جميعا في هذه الحلقة الخاصة من الأردن، كلكو عارفين نظام
المسابقه
وما في داعي نعيد ونزيد


نبدأ مسابقتنا مع المشتركين ونبدأ بسؤال السرعه ..





رتب الكائنات التالية من الاصغر الى الاكبر ...


أ- نمله ب – كلب جعاري جـ - فراشه د- فيل

ممتاز....... خمس اجابات صحيحه والاجابه الاسرع هي اجابة ابو خلف من
الكرك ...

مرحبا أخ ابو خلف





- هلا عمي ... هلا والله .. جيرة الله الله غير غداك عندي بكره
- تسلم يا سيدي ما بتئصر ( مش تنوره ) ... نبدأ السؤال الاول

اين هو مقر منظمة الامم المتحده الحالي : الخيارات ............


- يا عمي تغلبش حالك .. انا لا بقرا ولابكتب فكرت بدك تسالني
عن طريقة
صنع الجميد أو ما هي الشكوه . وكيف تتقشد السمنه البلديه .. هاي
الاسئله
ابعرفش بيها





فيه عندك وسائل مساعده ... الاتصال بصديق ومساعدة الجمهور او حذف
اجابتين



- يا عمي شو حذف ما حذف استر علينا ... والجمهور يالله مساعد حاله
كل واحد
وهمه يا عمي الدنيا غلا والديزل ارتفع سعره والناس عايشعه من قلة الموت
. وبدك
احكي مع صديق ؟؟؟ ابيش غير الحاج مرزوق .......... بظل محملني جميله
طول عمري
.. سيبنا يا عمي . السلام عليكم



اعزائي المشاهدين .. نوخذ المتسايق الثاني ... الشاب سعيد سعيدات من
اربد


أهلا وسهلا أخ سعيد ... كيف الحال

- آني ..آني مَــــــــــــــــــــــــــــــليح .....



السؤال الاول وهو سؤال سهل : ما هو الحيوان الذي يوقظنا كل يوم
بصياحه



- أبوي .... أبيش غيره .. بيظل يزاعق علينا الصبح تا نصحى ...
بعزرعلينا ..
أني بكرها هالعاده الخامه ..



اخي العزيز ... أصبر وخلينا نوخذ خيارات :


أ- القط ب- الديك جـ - القرد د-السمكه



- يا خوي أبيش عنا بالدار غير هالغنمات ... بيش غيرهن .. بوجه
سلامي لاخوي
صقُر بالامارات ولاختي بمعان وسلامي لصاحبي بشار ومبروك التخرج وبحب
اهدي اغنية
متعب الصقار " لا تغمزيني بعينك ... مابتطلع ع غيرك "



شكرا أخ سعيد ...... هذا برنامج مسابقات مش ما يطلبه المستمعون





اعزائي المشاهدين .. يبدو ان المشاركين يتوقعون نوعية اخرى من الاسئله
. على كل
حال نتابع برنامجنا ونأخذ متسابق جديد الاخ قاسم ابو شفه من الزرقا





أهلين أخ قاسم



- هلا والله هلا بيك أحلى تحيه من الزاويه للزاويه.......... ومن
السقف
للارظيه



أهلا وسهلا سيدي .. نبدأ الاسئله . السؤال الاول : من اسم الشخص الذي
قام
باغتيال الرئيس الامريكي جون كندي ..



- وعرظ اختي مش أنا .... وشرف امي كنت بالجويده وقتيها




اخي العزيز احنا بنسالك .. استنا وين رايح . أخ قاسم .. اخ قاسم ..
لحظه بس








أعزائي المشاهدين نأسف على سوء الفهم الذي حصل .. ونتابع برنامجنا
بعد
الفاصل الإعلاني



******


أكوا فريش ........... فرشاه للأسنان لانتعاش أكيد ............. لا
تنسى لسانك





لا تنسى التحدي مع سنيكرز ........... وبعديها فرشي سنانك بفرشاة قبل
شوي





***********


اعزائي المشاهدين في رحاب الوطن العربي الكبير نتابع برنامجنا في هذه
الحلقه
المميزه من الاردن في برنامجكم من سيربح المليون .. والآن معنا
المتسابقه
وضحا من السلط ...


أهلا وسهلا فيكي اخت وضحا




- أهلين خيوه





نبدأ معك الاسئله والسؤال الاول هو : من هو مكتشف امريكا


أ- نبيل شعيل ب- مايكل جاكسون د- روجر دوغلاس جـ -
كريستوفر
كولومبوس

- هاه . أنداري. انا عمري ما وصلتها اميركا . بسمع بيها سمعه بس



اختي فيه عندك وسائل مساعده ممكن تستخدميها



- آه طيب .. بدي اتصل بصديق





هون نط واحد من الجمهور


"شو يا وظحا.. صديق .. هاي آخرتها "


ونط واحد ثاني .. " طخها يابه ... اغسل عارنا .... طخها يابه .. طخها "


تدخل الامن وحل المشكله بالقنابل المسيله للدموع .


وانحلت سلميا بعد ما شرحوا الموضوع لشلاش .. جوزها لوضحا ..






اعزائي المشاهدين .. هيك بتنتهي حلقتنا لهالليله الحلوه .. ونأسف
لفشلها فشلا
ذريعا وان شاء الله الحلقات القادمه سنكون أكثر حرصا في اختيار
المشاركين ...
وشكرا لكم .

بس ما حدا يزعل

هاى مزح دمتم بخير

من سيربح المليون ولا الكميون عشان المتسابقين فاتين بالحيط هههههههههههههههههههه مشكورة يا امورة

يااااااااااااااااااااااااااا سلام على هيك نهفات

والله وضحا هاي من الاخر ههههههههههههههههههه

منيح ما خلصو عليها المسكين يعني هيه التانيه ضروري تتصل بصديق

ههههههههههههههههههههههههههههههه